La Conseyería de Cultura, Política Llingüística y Turismu entama esta selmana en Ḷḷuarca la primer edición del Congresu de Traducción Audiovisual n’asturianu, un alcuentru que quier ameyorar la formación de los traductores al asturianu y ayudar a la profesionalización del sector.


La iniciativa, impulsada dende la Dirección Xeneral de Política Llingüística, va desenvolvese los díes 10 y 11 d’avientu na Casa la Cultura de Ḷḷuarca, cola clausura final na Casina de la Traducción de Cadavéu. Cunta cola collaboración del Ministeriu de Cultura y Deporte, el Conceyu de Valdés y l’asociación Verbéu de Traductores Profesionales n’asturianu.


El congresu va axuntar a especialistes na materia veníos dende dellos puntos de la xeografía asturiana y nacional, y busca non solo ameyorar la formación, sinón tamién contribuyir a la profesionalización d’un sector incipiente, pero con bones espectatives de medría. El I Congresu de Traducción Audiovisual n’asturianu naz cola vocación de valir d’apoyu y puntu d’alcuentru pa los profesionales, anque ta abiertu a tol públicu. 

Más p'abaxo pue consultase'l programa y facer la inscripción: 

-Programa del congresu.

-Enllaz al formulariu d'inscripción

Información complementaria