La Residencia Lliteraria 1863, en collaboración cola Viceconseyería de Cultura, Política Llingüística y Deporte del Principáu d'Asturies, convoca la tercer edición de la Beca Asturies de Lliteratura en Residencia. La beca, a la que pueden optar toles persones que seyan autores con, lo menos, un llibru publicáu, consiste nuna estancia d'un mes, a lo llargo d'avientu del 2023, na Residencia Lliteraria 1863, na ciudá d'A Coruña, pa desenvolver un proyectu lliterariu n'asturianu o gallego-asturianu. 

N'ediciones anteriores, los beneficiarios fueron los autores Miguel Rodríguez Monteavaro y Pablo X Suárez. 

El plazu de recepción de solicitúes remata'l día 30 de setiembre del 2023.

Les bases completes pueden consultase equí.