La Dirección Xeneral de Política Llingüística convoca los cinco premios que venía celebrando anteriormente, cola novedá de qu'aumenten la so cuantía de 5.000 a 6.000 euros.

Estos gallardones son: 

  • 42 edición del Premiu «Xosefa Xovellanos» de Novela.
  • 27 edición del Premiu «Xuan María Acebal» de Poesía.
  • 27 edición del Premiu «Máximo Fuertes Acevedo» d'Ensayu.
  • 14 edición del Premiu «María Josefa Canellada» de Lliteratura Infantil y Xuvenil.
  • 13 edición del Premiu «Alfonso Iglesias» de Cómic.

La convocatoria públicase nel BOPA de güei, 6 d'abril, disponible nesti enllaz. El plazu de presentación d'orixinales acaba'l 21 de mayu del 2021. 

Otra manera, anúnciase la creación de dos premios nuevos que van venir a estimular la traducción al asturianu y la producción lliteraria nesta llingua ente la xente más mozo. Trátase de los premios «Florina Alías» a la Meyor Traducción y «Enriqueta González Rubín» de Narrativa p'autores d'hasta 30 años. Estos premios nuevos van convocase pa la segunda metá del añu 2021.