El concursu de microrrellatos improvisaos pa xente mozo Entaína a escribir llega a la sétima edición. Esti actu, onde los participantes tienen el retu d’escribir un microrrellatu en 20 minutos a partir d’una frase que se conoz nel momentu, va celebrase na Sala Borrón (C/Juan Benito Argüelles, 3) d’Uviéu, el miércoles 5 d’ochobre. Los tres meyores rellatos, a xuiciu del xuráu, llevarán premios consistentes en llotes de llibros y discos, y los rellatos podrán ser publicaos en volúmenes antolóxicos. 
El concursu diríxese a persones ente 14 y 35 y convoóquenlu les direcciones xenerales de Mocedá y Política Llingüística. Les persones interesaes en participar habrán d’insicribise mandando un corréu electrónicu a cridj@asturias.org indicando nome, apellíos y fecha de nacimientu.

Consulta les bases completes equí y en: http://mocedastur.wordpress.com