El Boletín Oficial del Principáu d’Asturies (BOPA) publicó’l 5 d’abril la convocatoria de dos llinies de subvención pa la normalización social del asturianu y del gallego-asturianu nel 2021 a la que puen acoyese empreses de comunicación y editoriales.

La finalidá de les subvenciones a medios de comunicación ye ayudar a la normalización y dignificación del usu social de la llingua con espacios informativos onde s’usen l’asturianu o’l gallego-asturianu. Puen presentase proyectos tanto de publicaciones en papel como de radio, televisión o internet. La dotación total d’esta llinia ye de 100.000 euros.

La llinia dedicada a la publicación de llibros n’asturianu y gallego-asturianu, dotada con 95.000 euros, ta dirixida a empreses editoriales y busca ampliar la ufierta bibliográfica de calidá, amás del númberu de llectores y l’ámbitu d’espardimientu de la lliteratura asturiana. Pueden presentase proyectos de llibros orixinales o traducíos d’otres llingües (con una tirada mínima de 300 exemplares y con una estensión que nun seya inferior a 50 páxines, sacante en llibros infantiles y xuveniles) y que pol so interés y calidá ayuden a la normalización social de la llingua y al arriquecimientu de la cultura asturiana.

El plazu pa presentar proyectos acaba’l 3 de mayu del 2021. 

 

Estractu de la convocatoria de subvenciones a medios de comunicación.

Estractu de la convocatoria de subvenciones a editoriales.