El Boletín Oficial del Principáu d'Asturies (BOPA) de los díes 16 y 17 de marzu del 2023 publica la convocatoria de los premios lliterarios y artísticos en llingua asturiana del añu 2023. El plazu de presentación d'orixinales o candidatures finaliza'l 17 d'abril. 

Gallardones convocatos:

  • Xosefa Xovellanos de novela n'asturianu pa obres de tema y estructura llibres que seyan inédites, non premiaes n'otros concursos y tengan una estensión mínima de setenta y cinco páxines a espaciu doble. Esta ye la edición cuarentena cuarta. 

         Resolución de convocatoria del Premiu «Xosefa Xovellanos» (44.ª edición).

  • Xuan M.ª Acebal de poesía n'asturianu pa obres de tema y estructura llibres que seyan inédites, non premiaes n'otros concursos y tengan una estensión mínima de quinientos versos. Esta ye la edición ventésima novena.

         Resolución de convocatoria del Premiu «Xuan M.ª Acebal» (29.ª edición).

  • Máximo Fuertes Acevedo d'ensayu n'asturianu pa obres de tema y estructura llibres que seyan inédites, non premiaes n'otros concursos y tengan una estensión mínima de cincuenta páxines escrites a espaciu doble. Esta ye la edición ventésima novena.

         Resolución de convocatoria del Premiu «Máximo Fuertes Acevedo» (29.ª edición).

  • María Josefa Canellada de lliteratura infantil y xuvenil n'asturianu pa obres de lliteratura infantil o xuvenil —con independencia de que seyan noveles, compilaciones de cuentos, poemarios o obres de teatru—, inédites, non premiaes n'otros concursos y que tengan una estensión mínima de doscientos cincuenta versos pa poesía y de trenta páxines a espaciu doble pa los demás xéneros. Esta ye la edición decimosesta.

         Resolución de convocatoria del Premiu «M.ª Josefa Canellada» (16.ª edición).

  • Alfonso Iglesias de cómic n'asturianu pa obres d'estilu, tratamientu y tema llibres, que pueden abarcar el desenvolvimentu d'una historia sola o un conxuntu d'histories. Pa participar habrá presentase un proyectu inicial con una estensión mínima de quince páxines, y les obres presentaes habrán ser inédites y non premiaes n'otros concursos. La estensión total de la obra habrá tener un mínimu de 50 páxines. Ye la edición decimoquinta.

         Resolución de convocatoria del Premiu «Alfonso Iglesias» (15.ª edición).

  • Florina Alías a la Meyor Traducción al asturianu, que busca distinguir col fallu al traductor, traductora o traductores d'obres orixinales escrites en llingua diferente de la castellana o del gallego-asturianu o eonaviegu, de calter lliterariu y non lliterariu, y editaes (en formatu papel o en formatu dixital) y difundíes nel añu 2022. Va considerase como fecha de publicación la qu'apaeza nel área de mención d'edición. En casu de nun indicase la fecha nel área de mención d'edición, va considerase en primer llugar, la que figure nel númberu de Depósitu Llegal y, nel segundu llugar, la qu'apaeza nel copyright. Ye la edición tercera. 

         Resolución de convocatoria del Premiu «Florina Alías» (3.ª edición).

  • Enriqueta González Rubín de Narrativa moza en llingua asturiana, pa  noveles o escoyetes de cuentos, escrites en llingua asturiana, de tema y estructura llibres que seyan inédites, non premiaes n'otros concursos y tengan una estensión mínima de 50 páxines a doble espaciu con un mínimu de 100.000 caracteres Times New Roman o asemeyao, tamañu 12. Ye la edición tercera.

         Resolución de convocatoria del Premiu «Enriqueta González Rubín» (3.ª edición).

  • Camaretá al Meyor Cantar pa canciones con lletra en llingua asturiana o en gallego-asturianu. Al premiu van poder presentase cantares de cualquier xéneru con lletra y música orixinal y cantares de cualquier xéneru con lletra orixinal sobre melodíes yá existentes. Nun casu y n'otru, editaes y difundíes al públicu a lo llargo del añu 2022 y hasta la fecha de la convocatoria de la edición presente. Cada solista o grupu musical interesáu va poder presentar al premiu un cantar namás. Esta ye la edición decimoquinta.

         Resolución de convocatoria del Premiu «Camaretá al Meyor Cantar» (15.ª edición).

  • Nel Amaro de Teatru Profesional n'asturianu o gallego-asturianu, que busca contribuyir a consolidar, arriquecer y prestixar estes dos llingües nel ámbitu del arte dramáticu. Al gallardón pueden optar les obres de compañíes profesionales que yá s'estrenaren, tanto orixinales como versiones o adaptaciones de títulos n'otres llingües, que nun resultaren finalistes na edición anterior.

         Resolución de convocatoria del Premiu «Nel Amaro» (7.ª edición).
 

Información complementaria