La Conseyería de Cultura, Política Llingüística y Turismu llanza la campaña Les coses pol so nome, una iniciativa que pretende promover l'usu del asturianu a la hora de facer la compra dando visibilidá a les fórmules llingüístiques tradicionales pa los distintos productos.

El Gobiernu del Principáu, en collaboración cola Unión de Comerciantes d'Asturies, va distribuyir en tiendes y supermercaos medianos de tola rexón materiales divulgativos, como cartelos y folletos qu'incluyen un vocabulariu pequeñu coles denominaciones tradicionales de la carne, el pexe o la fruta y verdura n'asturianu y eonaviegu. Llámame pita, Llámame arbeyu o Llámame andarica son dellos de los reclamos promocionales de la campaña pa tentar de fomentar l'usu de la llingua asturiana a la hora de facer la compra.

El director xeneral de Política Llingüística, Antón García, presentó esta mañana la campaña acompañáu pol director xeneral de Comerciu, Entamadores y Economía social, Julio González Zapico, y la xerente de la Unión de Comerciantes d'Asturies, Carmen Moreno.

La campaña va desarrollase hasta finales d’añu en dellos soportes y per dellos medios: repartu de cartelería y de folletos con un vocabulariu sectorial pequeñu, anuncios na TPA, anuncios en prensa escrita y dixital, cuñes en cadenes de radio, redes sociales, mupis nes ciudades más importantes, etc. Los materiales van repartise n'asturianu en bona parte del territoriu d'Asturies con una dotación específica n'eonaviegu pa la parte más occidental de la comunidá.

Materiales de la campaña (llingua asturiana):

Cartel xeneral Les coses pol so nome.

Cartel Les coses pol so nome. Carnicería y charcutería.

Cartel Les coses pol so nome. Pexe y mariscu.

Cartel Les coses pol so nome. Fruta y verdura.

Folletu Les coses pol so nome. Carnicería y charcutería.

Folletu Les coses pol so nome. Pexe y mariscu.

Folletu Les coses pol so nome. Fruta y verdura.

Spot televisivu Les coses pol so nome. Carnicería y charcutería.

Spot televisivu Les coses pol so nome. Pexe y mariscu.

Spot televisivu Les coses pol so nome. Fruta y verdura.

 

Materiales de la campaña (eonaviegu):

Cartel xeneral As cousas pol sou nome.

Cartel As cousas pol so nome. Carniceiría y charcuteiría.

Cartel As cousas pol sou nome. Pexe y marisco.

Cartel As cousas pol sou nome. Fruta y verdura.

Folletu As cousas pol so nome. Carniceiría y charcuteiría.

Folletu As cousas pol sou nome. Pexe y marisco.

Folletu As cousas pol sou nome. Fruta y verdura.

Spot televisivo As cousas pol so nome. Carniceiría y charcuteiría.

Spot televisivo As cousas pol sou nome. Pexe y marisco.

Spot televisivo As cousas pol sou nome. Fruta y verdura.
 

Información complementaria