La Conseyería d’Educación publicó na so páxina web una guía informativa bien completa, cola idea d’ayudar a los y les aspirantes a sacar los certificaos B2 y C1 de competencia en comunicación en llingua asturiana.

Esta guía, disponible en castellanu y n'asturianu, incluye información práctica sobre les pruebes (fecha y llugar de realización, duración, etc.) mesmo que sobre lo que se pide y se valora en caúna de les partes, y tamién sobre los temes de los que puen tratar los exercicios.

De la mesma manera, les persones aspirantes tienen accesu nesta web a los exercicios que formaron parte de les pruebes de nivel celebraes nos años 2020 y 2021, y tamién a les rúbriques que s'emplegaron pa calificar los exercicios de producción.

Pue accedese a toa esta información nel enllaz https://www.educastur.es/-/pruebas-de-certificaci%C3%B3n-de-lengua-asturiana-2022.-gu%C3%ADas-para-aspirantes?redirect=%2F