El Boletín Oficial del Principáu d'Asturies (BOPA) del 31 d'avientu del 2021 publicó dos decretos cola toponimia oficial de Llanera y El Valle Baju de Peñamellera, depués de qu'estos conceyos validaren el dictame emitíu pola Xunta Asesora de Toponimia. 

Los decretos han entrar en vigor a los venti díes de la publicación mentada. Dende esi momentu, les alministraciones públiques van poder facer usu de los términos oficializaos, tanto na cartografía oficial como, pasu ente pasu, nes señalizaciones y rotulaciones toponímiques.

Equí puen descargase los dos decretos:

Decretu 80/2021, de 22 d'avientu, pol que se determinen los topónimos oficiales del conceyu de Llanera.

Decretu 81/2021, de 22 d'avientu, pol que se determinen los topónimos oficiales del conceyu d'El Valle Baju de Peñamellera.