El Boletín Oficial del Principáu d'Asturies (BOPA) del 18 d'abril del 2022 publicó la toponimia oficial de Caravia, depués de qu'esti conceyu validara'l dictame emitíu pola Xunta Asesora de Toponimia. 

Esti decretu ha entrar en vigor a los venti díes de la publicación mentada. Dende esi momentu, les alministraciones públiques van poder facer usu de los términos oficializaos, tanto na cartografía oficial como, pasu ente pasu, nes señalizaciones y rotulaciones toponímiques.

L'espediente d'oficialización de Caravia entamó en mayu del 2006, como ún de los primeros que se punxo en marcha. Foi a lo llargo d'esta llexislatura cuando se llogró avanzar de manera significativa pa llegar a un dictame definitivu consensuáu por dambes alministraciones. Caravia ye'l númberu 73 de la llista de conceyos cola so toponimia yá oficializada. 

Equí pue descargase'l decretu:

Decretu 21/2022, de 1 d'abril, pol que se determinen los topónimos oficiales del conceyu de Caravia.
 

Información complementaria