El Gobiernu del Principáu d’Asturies adopta una estratexa trillingüe pa les sos campañes informatives de salú dirixíes a la ciudadanía, con versiones n’asturianu y eonaviegu, amás d’en castellán, de cartelos, cuñes de radio y anuncios audiovisuales.

D’esta manera, les llingües propies tán presentes na campaña La to responsabilidá impulsa Asturies / A túa responsabilidá impulsa Asturias, que se llanzó nos primeros díes d’esti mes de marzu. Los sos mensaxes puen vese peles cais de ciudaes y villes d’Asturies, amás de redes sociales del Gobiernu d’Asturies.