La Conseyería de Cultura, Política Llingüística y Turismu y la Fundación Valdés-Salas empecipiaron en collaboración cola Universidá d'Uviéu un proyectu de recuperación del inmensu legáu del escritor Fernán-Coronas (Cadavéu, 1884-Vil.lar,1939) cola cuenta d'inventarialu, da-y un tratamientu integrador, facelu públicu y ponelu a disposición del personal investigador y divulgador. Pa eso, ta previsto que los trabayos del Proyectu Fernán-Coronas, que se va estender hasta 2023, se vaigan dando a conocer al traviés de distintos seminarios; el primeru d'ellos va tener llugar el martes 21 d'avientu nel Edificiu Históriciu de la Universidá.

Nesta xornada esplicativa van intervenir:

-Jesús Menéndez Peláez (Fundación Valdés-Salas).
-Xulio Viejo Fernández (Director científicu del proyectu).
-Adrián Martínez Expósito (Investigador del proyectu).
-Jesús Antonio Cid (Fundación Menéndez Pidal).
-Marta Pérez Toral (Real Institutu d’Estudios Asturianos).
-Juaco López Álvarez (Muséu del Pueblu d’Asturies).
-Alfonso Fernández García (Muséu del Pueblu d’Asturies).

La xornada empieza a les 16 hores nel Aula Escalonada del Edificiu Históricu de la Universidá. Entrada llibre hasta enllenar l'aforu.
 

Información complementaria