El xueves 27 de xunetu a les 19:00 hores, nel Palaciu de los Condes de Toreno, asitiáu nel númberu 9 de la plaza Porlier d'Uviéu, va facese l'actu d'entrega de los premios lliterarios y artísticos en llingua asturiana otorgaos a lo llargo del añu 2022. Nesta ocasión, les persones premiaes son: 

XLIII Premiu «Xosefa Xovellanos» de Novela: Gonzalo González Barreñada por El viaxe del cacique.

XXVIII Premiu «Xuan María Acebal» de Poesía: Marta Mori d’Arriba por Los carreros del tiempu.

XXVIII Premiu «Máximo Fuertes Acevedo» d'Ensayu: Damián Barreiro Maceiras por Asturianía kitsch: decálogu de la cultura pop astur.

XV Premiu «Mª Xosefa Canellada» de Lliteratura Infantil y Xuvenil: Blanca Inés Fernández Quintana por El cartafueyu d'Alquimia. 

XIV Premiu «Alfonso Iglesias» de Cómic: Guillermo Menéndez Quirós por Ana María. La llobera d'Asturies. 

II Premiu «Florina Alías» a la Meyor Traducción: María Antonia Pedregal Montes por La palabra final. Diario de un suicidiu. 

II Premiu «Enriqueta González Rubín» de Narrativa moza: Andrés Fernández Menéndez por 1929. 

VI Premiu «Nel Amaro» de Teatru profesional: Carlos Alba García por Les madreñes vacíes. 

L'actu incluye tamién la presentación de les obres premiaes y va cuntar amás cola actuación musical de Luis Núñez y Daniel García de la Cuesta.  

La entrada ye llibre hasta completar aforu.