El vienres 8 d'ochobre va tener llugar la segunda xornada del Festival Nel Amaro de Teatru Profesional en llingua asturiana. Nesta ocasión, la compañía Nun Tris va representar la obra La reina de la guapura de Leenane, del autor irlandés Martin McDonagh, traducida al asturianu por Antón Caamaño. Esta obra, estrenada en 1996, representóse pelos circuitos teatrales más importantes de Londres y Nueva York, y cunta tamién con versiones en gallego y en catalán, amás d'en castellanu.
La reina de la guapura de Leenane, ambientada na Irlanda rural de los años 80, cuenta la historia de la rellación complicada ente Maureen, una muyer virxe de 40 años, y la ma, Mag, que depende de la fía pa casi too por una enfermedá que según Maureen esaxera. Una invitación pa dir a una fiesta va cambiar el destín de les dos muyeres. 
Antón Caamaño dirixe esta puesta n'escena protagonizada por Izar Gayo, Inma Rodríguez, Carlos Alba y Diego Lombardía. 

La función va facese a les 20:00h nel Teatru Filarmónica d'Uviéu, con entrada llibre y gratuita hasta enllenar aforu.