La Sociedá Pública de Xestión y Promoción Turística y Cultural del Principáu d’Asturies promueve una convocatoria pa la selección de proyectos artísticos y culturales y ellaboración de dellos catálogos dixitales que valgan como base pa la programación posterior de dellos espectáculos y actividaes, que van ser representaos o exhibíos en  sales o espacios culturales allugaos en conceyos del Principáu d’Asturies nel primer semestre del añu 2022.

Los proyectos puen facese n’asturianu y n’eonaviegu. Ta prevista la ellaboración d’un catálogu dixital por caúna d’estes disciplines:


a)      Proyectos d’artes escéniques.
b)     Proyectos musicales.
c)      Proyectos lliterarios.
d)     Proyectos de divulgación de la historia, l’arqueoloxía, el patrimoniu, la cultura popular y la tradición asturiana.
e)     Proyectos que contribuyan a esparder y dinamizar la conmemoración del Xacobéu.

La solicitú, xunto cola documentación riquida, ha presentase esclusivamente al traviés del rexistru creáu al efectu, accesible al traviés de la URL http://panel.asturiesculturaenrede.es hasta les 14:00 hores del vienres 12 de payares del 2021.

N’acabando’l plazu de solicitú, la plataforma va quedar inhabilitada pa facer cualquier tipu de cambéu na documentación presentao hasta que la convocatoria se resuelva.

Descarga equí les bases completes.

Descarga equí los anexos a la convocatoria.
 

Información complementaria