El vienres 16 d'avientu va facese un alcuentru ente profesionales de la normalización d'Asturies y de Galicia, cola mira d'escuchar les esperiencies y iniciatives de la comunidá vecina. Van intervenir como ponentes Ana Iglesias, profesora de la Universidá de Vigo y miembru de la Comisión Técnica do Centro de Documentación Sociolingüística de Galicia; Elisardo López Varela, inspector educativu n'A Coruña, conocedor de la realidá educativa de la llingua gallega y sobre too de los Equipos de Dinamización da Lingua Galega, y Anxos Sobriño, presidenta de la Coordinadora de Traballadores de la normalización Lingüística dende 2005. 

L'Institutu Asturianu d'Alministración Pública «Adolfo Posada» va acoyer esta xornada, que va cuntar cola presencia de técnicos y técniques de la Rede de Normalización, amás de personal d'Educación y Política Llingüística. Antón García, director xeneral de Política Llingüística, va ser quien abra la xornada.