El domingu 20 de febreru presentóse nel Muséu Arqueolóxicu d’Asturies (Uviéu) el llibru Entaína a escribir, qu’axunta los testos premiaos nes seis ediciones d’esti concursu de microrrellatos improvisaos pa la xente mozo.

Con ilustraciones d'Alberto Pieruz, el llibru incluye 18 microrrellatos de los que son autores Raquel Fernández Menéndez, Inaciu Galán y González, Ánxela Gómez d’Ávila, Claudia Gutiérrez Lueje, Alma Hidalgo Lucena, Gonzalo Llamedo Pandiella, Pelayo Martínez Olay, Xurde Menéndez Caravia y Solinca Turbón.

La obra ya una coedición del Gobiernu del Principáu d’Asturies y la editorial Impronta. La presentación lliteraria tuvo al cargu de Dolfo Camilo Díaz, y participaron nel actu los directores xenerales de Mocedá, Clara Sierra, y Política Llingüística, Antón García.