Na reunión qu'axuntó'l pasáu miércoles 21 de xunetu al xuráu del premiu Nel Amaro, esti órganu decidió escoyer les siguientes obres como finalistes del premiu. 
Agora, les compañíes seleccionaes habrán de representar cada obra dientro del Festival Nel Amaro que se va celebrar nel Teatru Filarmónica d'Uviéu los vienres 1, 8, 15 y 22 d'ochobre de 2021, con entrada gratuita pal públicu (suxetu a les restricciones COVID en vigor nel momentu de celebrarse). 

Los finalistes (per orde d'actuación) son:  

    El Callejón del Gato, col espectáculu Grana de cardamomu.
    Producciones Nun Tris, col espectáculu La reina la guapura de Leenane.
    Factoría Norte, col espectáculu Les piripiripirates con parches y a lo xole
    Arte Producciones, col espectáculu Setiembre.

El Premiu Nel Amaro de Teatru Profesional en llingua asturiana o gallego-asturianu convócase coles mires de consolidar, arriquecer y prestigiar estes dos llingües nel ámbitu del arte dramáticu, y ta dotáu con 6.000 euros.