El xueves día 26 de xineru, preséntase na Biblioteca d'Asturies «Ramón Pérez de Ayala» l'ensayu «Una ciencia sin enfotu», de Ramón d'Andrés, obra ganadora del XLII Premiu «Máximo Fuertes Acevedo», publicada agora por Ediciones Trabe. 

Los miembros del xuráu que falló’l premiu destacaron que’l trabayu de D’Andrés «ye un manual básicu p’abrir los güeyos de cualquiera, filólogu o non, sobre la ciencia y la non-ciencia que consumimos, asimilamos y creyemos al falar de llingües nel día a día». El xuráu valoró tamién el trabayu por «la investigación y reflexón» que reflexa. 

L'actu va facese a les 19:00 y na mesa va acompañar al autor Alfredo Álvarez, profesora de la Universidá d'Uviéu. 

Disfrute del booktrailer, onde l'autor esplica los puntos clave del ensayu 

 

Información complementaria