La Conseyería de Cultura, Política Llingüística y Turismu va ampliar esti añu les categoríes de los premios n’asturianu cola incorporación de dos gallardones nuevos: el Florina Alías a la meyor traducción al asturianu y l’Enriqueta González Rubín de narrativa p’autores moces y mozos. 

El Florina Alías, que va tener una dotación de 6.000 euros, ta dirixíu a premiar obres yá publicaes tanto en formatu papel como dixital, mentes que'l premiu Enriqueta González Rubín de narrativa p’autores moces y mozos, menores de 30 años, va tar dotáu con 3.000 euros y la publicación de la obra ganadora.

La convocatoria d’estos dos premios ta prevista pal segundu semestre d’esti añu. D’alcuerdu colo dispuesto na normativa, sométense agora a información pública les bases d’estos gallardones, que puen descargase nestos enllaces: Bases del Premiu «Enriqueta González Rubín» / Bases del Premiu «Florina Alías»

Puen presentase cuantes alegaciones paezan necesaries hasta’l día 11 d’agostu (inclusive). Pa tal efectu, ha usase’l modelu normalizáu pa la presentación d’alegaciones disponible nel enllaz https://sede.asturias.es/-/dboid-6269000004607746207573?redirect=%2Fbuscador%3F_pa_sede_buscadorgeneral_web_portlet_mini_BuscadorGeneralMiniPortlet_formDate%3D1625471088066%26p_r_p_searchText%3DB_SOL_02%26p_auth%3D    
 

Información complementaria