La Dirección Xeneral de Política Llingüistica presenta, dientro del ciclu Uviéu Abierto, la novela El fervinchu, de Sidoro Villa, obra ganadora del XLI Premiu Xosefa Xovellanos de Novela en llingua asturiana. 

L'actu, que va cuntar cola presencia del autor y la filóloga y profesora del IES Juan de Villanueva Liliana Díaz, va facese'l xueves 17 de febreru na Biblioteca Ramón Pérez de Ayala, a les 19:00 hores. 

Nesta obra preséntense, con munchu humor negro y fondura psicolóxica, les difíciles rellaciones ente los miembros d'una familia asturiana ente lo rural y lo urbano nos últimos años del sieglu XX, nuna narración coral bien entretenida qu'amiesta tonos cuándo esperpénticos, cuándo tráxicos.