El vienres 15 d'ochobre llega al Teatru Filarmónica la obra Les piripiripirates con parches y a lo xole, una obra pa lo más pequeño de la casa cola que la compañía Factoría Norte opta al Premiu Nel Amaro de Teatru Profesional.

La obra cuenta les aventures de la capitana Bogavanta y la so grumeta, Anchoveta. Les dos pirates salen a la mar a la gueta d'una ayalga, y nesti viaxe van atopase con enigmes y monstruos que nun-yos van poner les coses fáciles.

Carmen Gallo y Eladio de Pablo firmen el testu y la dirección d'esta obra, protagonizada poles actrices Sheila Montes y Paula Mata, que cunta tamién coles canciones de Mar Álvarez.

La función ye a les 20:00 h, con entrada llibre y gratuita hasta completar aforu (ensin restricciones por primer vez nesti festival).