Arranca'l proyectu Falamos, qu'ufierta cursos semipresenciales gratuitos d'asturianu y eonaviego pa la población adulto nel cuartu trimestre de 2022. Na páxina www.falamos.info puede consultase la información y facese la preinscripción. Les persones interesaes pueden solicitar plaza y la organización va ayudales a atopar el cursu más cercanu.

Esti proyectu ye una colaboración ente la FACC y la Dirección Xeneral de Política Llingüística del Principáu d'Asturies.

La organización dispón amás de perfiles en Twitter, Facebook y Instagram pa esparder esta información.