El Gobiernu asturianu entamó una campaña d’información y sensibilización ciudadana pa encarar la vuelta a la normalidá depués de la pandemia del COVID-19. Con cada fase de la desescalada difundiéronse carteles, vídeos y cuñes radiofóniques onde s’esplicaben les midíes qu’había que tomar en cada momentu. Estos materiales fixéronse tamién n’asturianu y en gallego-asturianu.

Otra manera, la Dirección Xeneral de Deportes publicó versiones nes dos llingües d’un cartel con un códigu de bones práctiques n’actividá física y deportiva pa encarar la vuelta a les instalaciones públiques con toles garantíes sanitaries.