Cola mira de favorecer y promover la creación lliteraria n’asturianu y, al tiempu, facer alcordanza de la figura del escritor xixonés Andrés Solar Santurio —a quien el Gobiernu del Principáu d’Asturies dedicó la Selmana de les Lletres del añu 2004— el Conceyu de Xixón convoca la primer edición del Premiu de Novela Curtia «Andrés Solar Santurio».

Van poder optar a esti gallardón les obres inédites escrites en llingua asturiana que tengan una estensión mínima de 90 páxines y máxima de 150, non premiaes enantes en nengún otru concursu.

El premiu tien una dotación de 3.000 euros y los exemplares puen presentase hasta’l 26 de setiembre del 2021, Día européu de les llingües.

Equí puen descargase les bases del I Premiu de novela curtia «Andrés Solar Santurio».