El Gobiernu del Principáu d’Asturies adopta una estratexa trillingüe pa les sos campañes informatives de salú dirixíes a la ciudadanía, con versiones n’asturianu y gallego-asturianu, amás d’en castellán, de cartelos, cuñes de radio y anuncios audiovisuales.

Estes campañes son, per un llau, les que se llanzaron cola mira de concienciar a la población pa contener la espansión de la COVID-19, que tienen por lema El virus nun piensa, tu sí / El virus nun pensa, tu sí y ¿Qué tengo que saber ente la COVID-19? /¿Qué teño que saber énte á COVID-19? 

Per otru llau,  les llingües propies tamién tán presentes na campaña L’Atención Primaria cuida de ti / El Atención Primaria cuida de ti, que busquen informar sobre los procedimientos nuevos pa facer usu de les consultes n’ambulatorios. 

Estos mensaxes puen vese peles cais de ciudaes y villes d’Asturies n’autobuses y mupis, amás d’en redes sociales del Gobiernu d’Asturies. 
 

Spot El virus nun piensa n’asturianu
Spot El virus nun pensa en gallego-asturianu