La Conseyería de Cultura, Política Llingüística y Turismu falló los sos cinco premios lliterarios n’asturianu convocaos na primavera pasada.  Los ganadores de los diferentes xéneros foron: Sidoro Villa ganador del Xosefa Xovellanos de novela, na so na so cuarentena primer edición cola obra El fervinchu; Alejandro Fernández-Osorio, ganador del Xuan María Acebal de poesía, na so ventésima sesta  edición, col ob poemariu tituláu Tayu; el premiu  Máximo Fuertes Acevedo d'ensayu, tamién na so ventésima sesta  edición, algamólu Xune Elipe cola obra Hai una llinia trazada ; el María Josefa Canellada de lliteratura infantil y xuvenil, na so decimocuarta edición, foi pa Vero Suari ya Inaciu Galán pola obra infantil La curuxa Catuxa y l'Alfonso Iglesias de cómic, na so decimotercer edición algamólu Alberto Vázquez col trabayu El sol na escombrera. 

Los xuraos de les diferentes modalidaes lliteraries tuvieron presidios pol director xeneral de Política Llingüística, Antón García y cuntaron con una dotación económica de 5.000 euros cada ún. Ye mester destacar l’incrementu de concurrencia esti añu en tolos xéneros.

Los premios concediéronse d’alcuerdu colos principios d’oxetividá, tresparencia, igualdá, non discriminación y publicidá, pente medies del procedimientu de concurrencia competitiva.