Un total de 67 obres presentáronse a los ocho gallardones que'l Gobiernu d'Asturies convoca pa reconocer los meyores trabayos de la producción lliteraria y escénica escritos en llingua asturiana. La conseyería de Cultura, Política Llingüística y Turismu destina 45.000 euros a la dotación de los ocho gallardones.

Les convocatories del 2022 cerráronse cola presentación d'estes candidatures a les distintes categoríes:

-Premiu «Xuan M.ª Acebal» de Poesía, 13 obres. 

-Premiu «Xosefa Xovellanos» de Novela, 7 candidates. 

-Premiu «Máximu Fuertes Acevedo» d'Ensayu, 12 trabayos. 

-Premiu «María Josefa Canellada» de Lliteratura infantil y xuvenil, 11 títulos.

-Premiu «Alfonso Iglesias» de Cómic, 6 obres. 

-Premiu «Florina Alías» a la Meyor traducción, 8 trabayos. 

-Premiu al Meyor Cantar Camaretá, 4 composiciones.

-Premiu «Nel Amaro» a la Meyor producción escénica en llingua asturiana o eonaviegu, 5 espectáculos.

-Premiu «Enriqueta González Rubín» de Narrativa moza: una candidatura.