El xueves 3 de marzu, el ciclu d'actividaes Uviéu Abierto, organizáu pola Dirección Xeneral de Política Llingüística, acueye la presentación d'El sol na escombrera (XII Premiu Alfonso Iglesias). Esti llibru, versión en cómic qu'Alberto Vázquez fizo del llibru de memories Cuando el mundo era Ablaña, de José Fernández, déxanos escucar cómo yera la vida cotidiana de los años 30 nos pueblos de la cuenca minera, amás de dar testimoniu de vivencies históriques como la Revolución del 34 y l'entamu de la Guerra Civil.
La cita ye a les 19:00 na Biblioteca Ramón Pérez de Ayala [Biblioteca d'El Fontán], cola escritora Laura Marcos como presentadora.
