Convocaes les subvenciones del añu 2024 pa la edición de publicaciones
07/05/2024
El Boletín Oficial del Principáu d'Asturies de fecha 7 de mayu del 2024 publica la convocatoria de subvenciones pa la promoción del llibru n'asturianu y en gallego-asturianu o eonaviegu.
Esta llinia dedicada a la publicación de llibros, que ta dotada con 110.000 euros y ta dirixida a empreses editoriales, busca ampliar la ufierta bibliográfica de calidá, amás del númberu de llectores y l’ámbitu d’espardimientu de la lliteratura asturiana.
Pueden presentase proyectos de llibros orixinales o traducíos d’otres llingües (con una tirada mínima de 300 exemplares y con una estensión que nun seya inferior a 50 páxines, sacante en llibros infantiles y xuveniles) y que pol so interés y calidá ayuden a la normalización social de la llingua y al arriquecimientu de la cultura asturiana.
El plazu pa presentar proyectos acaba’l 5 de xunu del 2024.