Selmana de les Lletres Asturianes
El Gobiernu asturianu entama, nos primeros díes del mes de mayu de cada añu, la Selmana de les Lletres Asturianes, un homenaxe públicu y institucional a la lliteratura tanto en llingua asturiana como en gallego-asturianu. Por cuenta de la celebración, organízase un programa ampliu con presentaciones de llibros, llectures públiques, homenaxes, representaciones teatrales, recitales de poesía, etc.
Como remate a la selmana, el vienres festéxase’l Día del Llibru Asturianu en collaboración con llibreríes, tiendes de discos, editoriales, fonográfiques y distribuidores. L’actividá busca fomentar la compra de llibros y música n’asturianu y gallego-asturianu y, por eso, esi día nes llibreríes participantes faise un descuentu del 10 % na compra d’estos productos culturales y regálase un volume editáu a costafecha.
SELMANES DE LES LLETRES ASTURIANES
1980-1988. [Celebraciones non temátiques]
1989. Xosé Caveda y Nava (150 aniversariu de la Colección de Poesías en dialecto asturiano, 1839)
1990. Teodoro Cuesta
1991. Llorienzu Novo Mier
1992. Xosé García Peláez, Pepín de Pría
1993. Galo Fernández, Fernán-Coronas
1994. Valentín Ochoa, Antón el Chiova
1995. Xuan María Acebal (Centenariu del fallecimientu)
1996. Xosé Benigno García González, Marcos del Torniello
1997. Manuel Fernández de Castro
1998. Xosefa Xovellanos
1999. Constantino Cabal
2000. Antón González Reguera, Antón de Marirreguera (IV centenariu)
2001. Milio Robles, Pachín de Melás
2002. María Josefa Canellada
2003. Antonio García Oliveros
2004. Andrés Solar
2005. 30 años de poesía
2006. Teatru contemporaneu
2007. Narrativa contemporánea
2008. María Teresa González
2009. Enriqueta González Rubín
2010. Xosé Antonio García
2011. Manuel d'Andrés Fernández, Mánfer de la Llera
2012. Poesía ilustrada (Benito de l'Auxa y Antón Balvidares)
2013. Nené Losada Rico.
2014. Cómic
2015. Lliteratura escolar
2016. [Celebración non temática]
2017. Muyeres escritores
2018. Lliteratura infantil y xuvenil
2019. Música
2020. María Teresa Villaverde, Tuxa
2021. Nel Amaro
2022. Ígor Medio
-
Yá puede descargase nesta web el PDF del llibru Xosé Bolado. Fálame duce
-
La 44 Selmana de les Lletres Asturianes va rindir homenaxe al poeta y críticu lliterariu Xosé Bolado
-
Inauguróse la esposición «Xente llano de Xixón. La obra gráfica d'Ígor Medio»
-
Yá tán disponibles les entraes pal Conciertu de les Lletres Asturianes que va ofrecer la OSPA
-
Yá disponibles les entraes pal conciertu-homenaxe a Ígor Medio