El Decretu 67/2023, de 11 d’agostu, pol que s’establez la estructura orgánica básica de la Presidencia del Principáu d’Asturies y los sos órganos d’apoyu, establez qu’a la Presidencia del Principáu d’Asturies adscríbese la Viceconseyería de Cultura, Política Llingüística y Deporte, órganu central al que, ente otres funciones correspuende la «coordinación y promoción de la política llingüística y normalización, ensin perxuiciu de les compentencies que correspuendan a la Conseyería d’Educación en materia d’enseñanza reglada del asturianu y eonaviego».

N’ámbitu de la política llingüística, la citada viceconseyería ta integrada por estos órganos alministrativos:

  • Dirección Xeneral d’Acción Cultural y Normalización Llingüística (órganu central).

  • Serviciu de Planificación Llingüística (unidá alministrativa).

  • Subdirección Xeneral de Política Llingüística (órganu directivu).

Amás, adscríbense a la viceconseyería tres órganos d’asesoramientu y apoyu:

  • Xunta Asesora de Toponimia del Principáu d’Asturies.

  • Conseyu Asesor de Política Llingüística.

  • Rede de Normalización Llingüística.

Vista previa