Niveles competenciales nel usu de la llingua asturiana

El Gobiernu del Principáu d’Asturies aprobó en xunu del 2019 el decretu qu’establez los niveles de competencia nel usu de la llingua asturiana, adaptaos al Marcu Común Européu de Referencia de les Llingües, y pol que se regulen les pruebes de certificación correspondientes, que van ser de nivel básicu (A1 y A2), intermediu (B1 y B2) y avanzáu (C1).

La normativa desenvuelve la Llei d’Usu y Promoción del Asturianu, que dispón nel so artículu 11 que’l Principáu va establecer les certificaciones qu’acreíten la conocencia d’esta llingua.

N’ochobre del 2020 celebráronse les primeres pruebes de certificación de llingua asturiana, pal nivel intermediu B2, nes que pudieron participar más de 400 aspirantes.

L’oxetivu ye que se pueda demostrar el nivel competencial pente medies de pruebes específiques que van ser iguales en tola comunidá y van constar de cinco exámenes: comprensión de testos orales, comprensión de testos escritos, producción y coproducción de testos orales, producción y coproducción de testos escritos y mediación.

Información sobre la convocatoria d'anguaño, equí