El Boletín Oficial del Principáu d'Asturies del día 19 de mayu del 2023 publicó l'estractu de la  resolución pola que se convoca la primer edición del Premiu «Pachín de Melás» de Testos Teatrales en llingua asturiana. 

La convocatoria d’esti premiu, que tien una dotación de 6.000 euros, tien de plazu hasta'l 19 de xunu del 2023 y a él van poder presentase autores con obres teatrales orixinales escrites en llingua asturiana y que puedan ser representaes con una duración d’ente 50 y 90 minutos. Va poder presentase un únicu testu teatral o un conxuntu de pieces curties. Nun van poder optar al premiu los testos que seyan adaptaciones, versiones o rellectures d'otros testos publicaos o exhibíos públicamente. 

El premiu lleva’l nome del autor Emilio Robles Muñiz (1877-1938), más conocíu pol so nomatu Pachín de Melás, fundador de la corriente costumista o teatru asturianu de la naturaleza. Pachín de Melás foi amás l’autor al que se dedicó la edición de la Selmana de les Lletres Asturianes del añu 2001.

Convocatoria del I Premiu «Pachín de Melás» de Testos teatrales en llingua asturiana. 
 

Información complementaria