L’añu viniente España va ser país convidáu d’honor de la Feria del Llibru de Frankfurt, la mayor del mundu na industria editorial, y a propuesta del Gobiernu del Principáu la nuestra lliteratura va cuntar con una actividá propia dientro del programa oficial, que va dar visibilidá internacional a la creación n’asturianu y gallego-asturianu.  

Esti alcuerdu tomóse nuna reunión celebrada esti martes 6 d’abril ente responsables de la Conseyería y el Ministeriu de Cultura, na que s’alcordó tamién incluyir a escritores n'asturianu y gallego-asturianu en programes de fomentu de llectura de la Dirección Xeneral del Llibru.