Política Llingüística entama’l ciclu «Uviéu Abierto», que comienza coles presentaciones de los Premios Lliterarios en llingua asturiana de 2020
01/02/2022
La Conseyería de Cultura, Política Llingüística y Turismu abre’l xueves 3 de febreru'l ciclu «Uviéu Abierto», onde s’enmarquen una serie d’actos culturales alredor de la llingua y la cultura asturiana. El programa ellaboráu pola Dirección Xeneral de Política Llingüística va desenvolvese na Biblioteca Ramón Pérez de Ayala d’Uviéu a lo llargo de febreru y marzu.
El ciclu empieza coles presentaciones de les obres ganadores de los Premios Lliterarios en llingua asturiana del añu 2020, y incluye estes presentaciones:
3 de febreru: Hai una llinia trazada, de Xune Elipe, XXVI Premiu «Máximo Fuertes Acevedo» d'Ensayu en llingua asturiana.
10 de febreru: La curuxa Catuxa, d'Inaciu Galán y Vero Suari, XIII Premiu «María Josefa Canellada» de Lliteratura Infantil y Xuvenil en llingua asturiana.
17 de febreru: El fervinchu, de Sidoro Villa, XLI Premiu «Xosefa Xovellanos» de Novela en llingua asturiana.
24 de febreru: Tayu, d'Alejandro Fernández-Osorio, XXVI Premiu «Xuan María Acebal» de Poesía en llingua asturiana.
3 de marzu: El sol na escombrera, d'Alberto Vázquez, XII Premiu «Alfonso Iglesias» de Cómic en llingua asturiana.
24 de marzu: Seltegu, de Ruma Barbero, XI Premiu «Alfonso Iglesias» de Cómic en llingua asturiana.
Los actos, con entrada llibre y gratuita hasta enllenar aforu, van escomenzar a les 19:00 hores, a escepción de les presentaciones del día 3 de febreru, qu’empieza a les 18.30 hores, y la del día 10, que va escomenzar a les 17:30 por ser un actu empobináu al públicu infantil.
Los Premios Lliterarios en llingua asturiana, dotados con 6.000 euros, convóquense añalmente col fin de consolidar, arriquecer y prestixar la llingua asturiana.
![](/documents/71052/124816/Logotipu+Premiu+Xosefa+Xovellanos+de+Novela.png/6d276c91-9676-5096-b3e5-c42626ab21a0?t=1643702382344)
![](/documents/71052/124816/Logotipu+Premiu+Xuan+M.%C2%AA+Acebal+de+Poes%C3%ADa.png/61516217-d6fb-233e-316f-bd8486811f31?t=1643702382439)
![](/documents/71052/124816/Logotipu+Premiu+M%C3%A1ximo+Fuertes+Acevedo+d%27Ensayu.png/08d5d333-cee4-ded3-7cd5-7571d2a19bcb?t=1643702382496)
![](/documents/71052/124816/Logotipu+Premiu+Mar%C3%ADa+Josefa+Canellada+de+Lliteratura+Infantil+y+Xuvenil.png/44b11479-cd9a-88f9-0bd4-50ea7e80149d?t=1643702382540)
![](/documents/71052/124816/Logotipu+Premiu+Alfonso+Iglesias+de+C%C3%B3mic.png/824ab84e-1c0e-5558-cecf-dfcf28662e9b?t=1643702382590)