Prorrogada hasta'l 10 de xunetu la esposición «Nel Amaro - Postal / Visual», que recueye fundamentalmente tres facetes de la trayectoria creativa del autor: poesía visual, arte postal y videocreación. 

La muestra puede visitase en Llaboral Centru d’Arte y Creación Industrial (Xixón)  hasta’l 10de xunetu colos horarios siguientes:

-Miércoles a sábadu: de 11.00  a 19.00 hores.

Nel Amaro (Quentuserrón, Mieres, 1946 – Uviéu, 2011) ye parte (marxinal) (iconoclasta) (multidisciplinar) (vanguardista) de la primer xeneración del Surdimientu lliterariu asturianu. Cultivó'l teatru, la poesía, la narrativa, l'arte postal, la videocreación, la performance. Publicó en castellanu (Habitación de poeta; Boca arriba, lentamente naufragando; El banquete) y, sobre too, n'asturianu (Antígona, por exemplu; ¡Adiós, Dvorak!; Pruebes d'autor; Cementeriu cívicu; ¡¡¡Falanxista!!!; Entós, cuando ñevaba). Editó fanzines, impulsó alcuentros d'arte postal y poesía visual, participó n'atopaes internacionales d'acción poética.

Información complementaria