La Residencia 1863 acaba de convocar la IV Beca Asturies de Lliteratura en Residencia. Esta ayuda, abierta a los y les autores en llingua asturiana o gallego-asturianu que tengan al menos un llibru publicáu, ufierta la posibilidá de pasar el mes d'avientu del 2024 n'A Coruña, agospedándose na Residencia 1863, un apartamentu apartamentu construyíu en 1863 (añu que marca’l Rexurdimento de la lliteratura gallega), remocicáu dafechu pa facilitar la máxima concentración y inspiración nel trabayu lliterariu. 

La beca incluye amás 800 euros pa gastos y la posibilidá de presentar la so obra nel ámbitu cultural gallegu. 

Les bases completes tán disponibles na web https://residencia1863.gal/ y el plazu de solicitú ta abiertu hasta'l 10 de setiembre del 2024.