Xunta Asesora de Toponimia (XAT)


La XAT ye l’órganu consultivu y asesor de l’Alministración del Principáu d’Asturies pal cumplimientu de les xeres que tienen encomendaes d’investigación y normalización de los topónimos asturianos:

  • Emitir dictame previu a los alcuerdos del Conseyu de Gobiernu del Principáu d’Asturies pol que se determinen los topónimos.
  • Emitir informe, a requerimientu del titular de la conseyería competente en materia de política llingüística, sobre cuantes cuestiones tengan rellación cola toponimia d’Asturies.
  • Emitir informe cuando seya solicitáu, al traviés de la persona titular de la conseyería en materia de política llingüística, por otros órganos de l’Alministración del Principáu d’Asturies, igual que polos Conceyos y entes o organismos públicos de la comunidá autónoma, sobre cuantes cuestiones tengan rellación cola toponimia d’Asturies.
  • Proponer a la persona titular de la conseyería competente en materia de política llingüística l’adopción de cuantes midíes se consideren oportunes pa la investigación y recuperación de los topónimos asturianos.

Componentes

  • Presidencia: titular de la dirección xeneral competente en materia cultural y llingüística.
  • Vicepresidencia: titular de la dirección xeneral competente en materia d’ordenación del territoriu.
  • Vocales:
    • Un miembru de l’Academia de la Llingua Asturiana.
    • Un miembru del Real Institutu d’Estudios Asturianos (RIDEA).
    • Dos espertos de prestixu reconocíu na materia.
    • El titular de la dirección xeneral competente en materia de cooperación local.
    • Un representante de la Universidá d’Uviéu.
  • Secretaría: titular del Serviciu que tenga encomendaes funciones de promoción o enseñanza de la llingua asturiana.

Decretu 38/2002, de 4 d’abril, pol que se regula la Xunta Asesora de Toponimia del Principáu d’Asturies.