HIGIÉNICO PAPEL TEATRO 
Riquete'l del copete. 

Vienres 2 d'ochobre. 18:30 h

Trayectoria

Trenta años d’esperiencia ininterrumpida y más de cuarenta y cinco espectáculos producíos y estrenaos siempre con gran éxitu de públicu y crítica avalen la trayectoria d’esta compañía, con un repertoriu ampliu que destaca pola diversidá temática y espresiva de les propuestes, siempre marcaes por un sellu personal bien elegante que conxuga toques d’humor, provocación y poesía.

Los sos espectáculos tán respaldaos por munchos gallardones, ente ellos, el Premiu Nel Amaro de Teatru Profesional en Llingua Asturiana con Hansel y Gretel (2018) y El viaxe de Covaletti (2020).

Sinopsis

Un príncipe perféu y perllistu, con un copete de pelo na cabeza: Riquete’l del Copete. Una princesa perfea y perllista. Otra princesa perguapa y pertonta. Riquete enamórase d'una d'elles. ¿Qué va pasar cola guapa? ¿Qué va pasar cola fea?

Y si nun tamos mui d'alcuerdu col final del cuentu de Charles Perrault… ¿Vamos poder cambialu?

Ficha técnica y artística

Dirección, autoría y adaptación: Laura Iglesia, a partir del cuentu de Charles Perrault.  

Sobre l’escenariu: Carlos Dávila, Félix Corcuera, Patricia Rodríguez.

Voz n’off: Laura Iglesia.

Escenografía: Rodolfo Antolín.

Diseñu d’illuminación: Carlos Dávila.

Producción: Higiénico Papel Teatro.