¿Qué ye la Beca Asturies de Lliteratura Asturiana en Residencia? 

La beca Residencia Asturies de lliteratura asturiana en residencia tien como finalidá'l sofitu, promoción y estímulu de la creación en llingua asturiana col mayor rigor y escelencia. L'ayuda da-yos a escritores en llingua asturiana espaciu, tiempu, contestu y condiciones óptimes pa la escritura.

A la convocatoria pue presentase cualquier escritor o escritora en llingua asturiana o n'eonaviegu mayor de dieciocho años, con un llibru publicáu a lo menos.

La Conseyería de Cultura, Política Llingüística y Deporte sofita cada añu los gastos d'estancia de la persona que reciba la beca na Residencia 1863, allugada nel sitiu onde nació la Real Academia Galega y a pocos metros d'onde vivieron Emilia Pardo Bazán, Rosalía de Castro o Pablo Ruiz Picasso, na ciudá gallega d'A Coruña.

¿Cuándo se convoca? ¿Cuándo se disfruta?

La beca convócase na segunda metá del añu y disfrútase a lo llargo del mes d'avientu. Nun ye imprescindible que la estancia seya tolos díes del mes nin díes consecutivos. 

Puede consultase tola información nel enllaz https://residencia1863.gal/

Consulta y descarga les bases equí. 

Históricu de persones beneficiaries de la beca  

2021. Miguel Rodríguez Monteavaro

2022. Pablo X. Suárez

2023. Milio Ureta

2024. Patricia Suárez

2025. Marta Mori