GUAYOMINÍ PRODUCCIONES
caLORCAlor

Vienres 9 d'ochobre. 18:30 h

Espectáculu pa tolos público

Trayectoria

Guayominí ye una empresa d'artes escéniques fundada en 2015 n'Asturies especializada na producción d'espectáculos y eventos dirixíos a neños y neñes de toles edades. El so oxetivu ye promover la cultura y la creatividá ente esti públicu al traviés de propuestes artístiques innovadores y participatives. Con un enfoque pedagóxicu y lúdicu, la compañía busca xenerar esperiencies educatives y emocionales qu'aguiyen la imaxinación y fomenten valores como la inclusión, el respetu y la solidaridá.

Nos últimos años estrenaron estos títulos pa públicu infantil y xuvenil: Les Bruxes Corococó, Blancanieves XXI, Épica, una historia del Reino Finito, Soy Cenizo, y Calorcalor y la más de recién, Hamlet.

Sinopsis

Como nun xuegu de neños y de palabres, si repites ‘calor’ una vez detrás d'otra pue que una fola te lleve a Granada. A Fuente Vaqueros. A casa de Federico García y Vicenta Lorca. Quiciabes al so patiu. O quiciabes, llegues a un payar y ellí t’atopes a Arantxa y Lobo, sofitaos nos los versos de Lorca, tratando de llevar al teatru'l golor del mar, intentando pescudar la manera d'enllenar un patiu de butaques d'estrelles.

Tamién ye posible que, si repites ‘calor’ una vez detrás d'otra, llegues a dambos llugares; acompañando a Guayominí Producciones nuna comedia que, amás d'un Premiu Oh 2023 a Meyor Espectáculu pa la Reciella, tien aurores, madrigales, caracolas y bailles d'escenariu. Hasta pue  que, en dalgún momentu, creas ver apaecer a Federico.  Hasta pue que, ente paca y vaca, llegues de dalguna manera a conocelu.

Ficha técnica y artística

Autoría: Patricia Rodríguez, Manu Lobo y Arantxa F. Ramos

Dirección: Patricia Rodríguez

Sobre l’escenariu: : Manu Lobo y Arantxa F. Ramos

Voces neños y neñes: Samuel Nilson, Izan Ortega, Claudia Ortega, Iria Fernández Lobo, Rui Pérez Santos .

Traducción al asturianu: Laura Iglesia

Diseñu d’illuminación: Alberto Ortiz

Escenografía: Tamara Norniella

Vestuariu: Azucena Rico

Espaciu sonoru: Álvaro Bárcena y Sam Rodríguez

Producción: Guayominí Producciones