El Conseyu Asesor de Política Llingüística ye un órganu d’asesoramientu y apoyu de la Viceconseyería de Cultura, Política Llingüística y Deporte. La so función ye aconseyar al Gobiernu asturianu n’asuntos rellacionaos cola política llingüística.

El Conseyu Asesor ta presidíu pola viceconseyera de Cultura, Política Llingüística y Deporte, Ana Vanessa Gutiérrez. El vicepresidente ye'l director xeneral de Política Llingüística, Antón García Fernández. Tamién formen parte, como conseyeros, representantes de l'Academia de la Llingua Asturiana, Universidá d’Uviéu, RIDEA y RTPA, amás de 25 personalidaes relevantes de la vida social y cultural d’Asturies, de prestixu reconocíu en materia de política llingüística, escoyíes pola viceconseyería. La participación nel Conseyu nun ye remunerada.

El Conseyu Asesor de Política Llingüística pue funcionar en plenu o en comisiones de trabayu, y va poder emitir informes y propuestes de calter non vinculante.

 

Resolución de 6 de xunetu del 2020 sobre la composición del Conseyu Asesor de Política Llingüística

Resolución de 13 d'ochobre del 2020 de nomamientu de conseyeros y conseyeres por designación llibre