HIGIÉNICO PAPEL TEATRO 
1001. Una odisea nel desiertu

Vienres 3 d'ochobre. 18:30 h

Trayectoria

Cuasi trenta años d’esperiencia ininterrumpida y más de cuarenta y cinco espectáculos producíos y estrenaos siempre con gran éxitu de públicu y crítica avalen la trayectoria d’esta compañía, con un repertoriu ampliu que destaca pola diversidá temática y espresiva de les propuestes, siempre marcaes por un sellu personal bien elegante que conxuga toques d’humor, provocación y poesía.

Los sos espectáculos tán respaldaos por munchos gallardones, ente ellos, el Premiu Nel Amaro de Teatru Profesional en Llingua Asturiana con Hansel y Gretel (2018) y El viaxe de Covaletti (2020).

Sinopsis

Les nueches nel desiertu son fríes y poco afayadices, pero fáense más llevaderes escuchando rellatos xunto al fueu. Y Karim, un mozu pregueru enllenu d’interés, déxase llevar cada nueche por esi mundu tan fascinante habitáu por xenios y princeses, por califes y lladrones, por alfombres voladores, viaxes fantásticos y aventures.

Karim adora nesos relatos fantásticos, pero cada amanecer devuélvelu a la cruda realidá del trabayu duru p’ayudar a la so familia. Hasta qu’un día, el so maestru, el vieyu Said, regála-y un cuadernu manuscritu onde tán recoyíes toes eses histories y una vieya llámpara pa lleer nes nueches ensin lluna: Si me dixeren «pidi un deséu», pidiría vivir aventures como les d’esti cuadernu...

Y a partir d’esi momentu, too na so vida camudó…

Ficha técnica y artística

Autoría y dirección: Laura Iglesia

Versión n’asturianu: Adolfo Camilo Díaz

Repartu: Félix Corcuera, Carlos Dávila. Arantxa Fernández Ramos, Loretta Church.

Vestuariu: Azucena Rico

Atrezzo: Bandua Creative Concept

Técnica: Marta Allende

Diseñu d’illuminación: Txus Carmelo Plágaro

Semeya: José Luis Nieto