La Conseyería de Cultura, Política Llingüística y Deporte convocó los premios lliterarios y artísticos que distinguen les meyores obres en llingua asturiana y n’eonaviegu n'once disciplines. El Boletín Oficial del Principáu d’Asturies (BOPA) publica les bases de los gallardones, colos que’l Gobiernu asturianu apuesta pol usu y promoción de les llingües propies del Principáu.

El plazu pa presentar les creaciones lliteraries y artístiques va permanecer abiertu 30 díes naturales, hasta’l 6 d'abril por cuenta de que cai'l fin de plazu en día non hábil, sacando'l premiu de guion cinematográficu, que  tien de plazu hasta'l 8 d'abril. 

XXXII Premiu Xuan M.ª Acebal de Poesía en llingua asturiana

Pue participar cualquier persona que nun resultare ganadora na edición anterior, con un poemariu escritu n’asturianu con una estensión mínima de 25 poemes o 400 versos, inéditu y non premiáu n’otros concursos. Más información: https://acortar.link/KoThSl

XXXII Premiu Máximo Fuertes Acevedo d’ensayu en llingua asturiana

Pue participar cualquier persona que nun resultare ganadora na edición anterior, con un ensayu escritu n’asturianu con una estensión mínima de 50 páxines, orixinal, axuntando les característiques del xéneru ensayísticu, inédita y non premiada n’otros concursos. Más información: https://acortar.link/reDmcG

XVIII Edición del Premiu al Meyor Cantar ‘Camaretá’

Pueden participar músicos solistes o que formen parte d’un grupu musical con un cantar con lletra n’asturianu o n’eonaviegu editáu y divulgáu a lo llargo del 2025 y hasta la fecha de la convocatoria. Más información: https://acortar.link/rBBxtK

VI Premiu Florina Alías a la meyor traducción al asturianu

Trátase d’una reconocencia a la meyor traducción al asturianu d’obres orixinales escrites en llingua diferente de la castellana o del eonaviegu, de calter lliterariu y non lliterariu, editada en formatu papel o dixital y divulgada nel añu 2025. Más información: https://acortar.link/Kqmn9H

XVIII Premiu Alfonso Iglesias de Cómic en llingua asturiana

Pue participar cualquier persona que nun resultare ganadora na edición anterior, con un cómic escritu n’asturianu con una estensión mínima de cincuenta páxines. L’estilu, tratamientu y tema va ser llibre, y la obra presentada va poder incluyir el desenvolvimientu d’una historia única o un conxuntu d’histories (rellacionaes o non ente sí). La obra presentada habrá ser orixinal, inédita y non premiada n’otros concursos. Más información: https://acortar.link/Oj2Zoh

XIX Premiu María Josefa Canellada de Lliteratura Infantil y Xuvenil en llingua asturiana

Pue participar cualquier persona que nun resultare ganadora na edición anterior, con obres de lliteratura infantil escrites n’asturianu, pertenecientes a cualquier xéneru lliterariu, independientemente de que se trate d’una propuesta pa prellectores, primeros llectores o públicu infantil con habilidaes llectores. Si se trata de poesía, la estensión máxima va poder ser de 25 poemes o, de ser una cantidá inferior de poemes, un mínimu de 250 versos. Les obres, orixinales, de tema, xéneru y estructura llibres, han ser inédites y non premiaes n’otros concursos. Más información: https://acortar.link/45p6WD

XLVII Premiu Xosefa Xovellanos de Novela en llingua asturiana

Pue participar cualquier persona que nun resultare ganadora na edición anterior, con una novela escrita n’asturianu d’una estensión mínima de setenta y cinco páxines. Les obres, orixinales, han ser inédites y non premiaes n’otros concursos. Más información: https://acortar.link/gzrEhG

IV Premiu Pachín de Melás de testos teatrales en llingua asturiana

Pue participar cualquier persona que nun resultare ganadora na edición anterior, con obres teatrales orixinales escrites n’asturianu y que puedan ser representaes con una duración d’ente 50 y 90 minutos. Pue presentae un testu teatral únicu o un conxuntu de pieces curties. Más información: https://acortar.link/9TFmiw

VI Premiu Enriqueta González Rubín de Narrativa moza en llingua asturiana

Pueden presentase noveles o recopilaciones de cuentos escritos en llingua asturiana, de tema y estructura llibres que seyan inédites, con una estensión mínima de 50 páxines, con lo menos 100.000 caracteres, non premiaes n’otros concursos y escrites por persones menores de 31 años nel momentu del fin de plazu de presentación de solicitúes. Más información: https://acortar.link/HHuHOV

X Premiu Nel Amaro de Teatru profesional en llingua asturiana o n’eonaviegu

Pueden presentase empreses del sector profesional dedicaes a la producción y representación d’espectáculos teatrales con obres yá estrenaes y representaes n’asturianu o eonaviegu. Cada empresa interesada va poder presentar al premiu namás un espectáculu. Más información: https://acortar.link/jvB7S9

P'acabar, el Premiu de Guión Cinematográficu tien de plazu hasta'l 8 d'abril

III Premiu de Guión en llingua asturiana o n’eonaviegu o gallego-asturianu

Pueden presentase guiones orixinales y inéditos en llingua asturiana o n'eonaviegu o gallego-asturianu pa llargumetraxes de ficción o animación. Nun se van admitir los guiones que seyan adaptaciones d'obres del mesmu autor o autora o d'otros/es autores, nin tampoco adaptaciones lliteraries. Los guiones orixinales y inéditos que se presenten nun podrán tar yá rodaos dende'l momentu de presentalos na correspondiente convocatoria hasta que se resuelva. Más información: https://acortar.link/bS5HhU