El BOPA de güei, 27 de marzu, publica la convocatoria de los premios lliterarios en llingua asturiana. Anguaño, son les ocho les convocatories que busquen promover la creación lliteraria: 

-XXV Premiu «Xosefa Xovellanos» de Novela 

-XXX Premiu «Xuan María Acebal» de Poesía

-XXX Premiu «Máximo Fuertes Acevedo» d'Ensayu

-XVII Premiu «María Josefa Canellada» de Lliteratura Infantil y Xuvenil (convocatoria infantil)

-XVI Premiu «Alfonso Iglesias» de Cómic

-IV Premiu «Enriqueta González Rubín» de Narrativa moza

-IV Premiu «Florina Alías» a la Meyor traducción al asturianu

-II Premiu «Pachín de Melás» de Testos teatrales

Los cinco primeros premios mentaos equí, los más consolidaos, estrenen bases nueves. La novedá principal ye que nel Premiu «María Josefa Canellada» de Lliteratura Infantil establezse que la convocatoria va especificar cada añu si el premiu va almitir obres destinaes a un públicu infantil o xuvenil. Esti añu, pela primer vez, la convocatoria ta destinada a la lliteratura infantil, independientemente de que se trate d’una propuesta pa prellectores, primeros llectores o públicu infantil con habilidaes llectores. 

Amás, publícase la convocatoria de la octava edición del Premiu «Nel Amaro» de Teatru profesional en Llingua Asturiana o Gallego-asturianu, a la que se puen presentar montaxes profesionales yá estrenaos nestes llingües. 

El Premiu «Camaretá al Meyor Cantar», l'otru de los gallardones que reconocen el bon facer nel ámbitu escénicu, en concreto nel de la música, ta pa publicase d'equí a pocos díes. 

El plazu de presentación de candidatures a estos premios remata'l vienres 26 d'abril del 2024. 

Enllaz a la ficha de serviciu del Premiu Xosefa Xovellanos

Enllaz a la ficha de serviciu del Premiu Xuan María Acebal

Enllaz a la ficha de serviciu del Premiu Máximo Fuertes Acevedo

Enllaz a la ficha de serviciu del Premiu María Josefa Canellada

Enllaz a la ficha de serviciu del Premiu Alfonso Iglesias

Enllaz a la ficha de serviciu del Premiu Florina Alías 

Enllaz a la ficha de serviciu del Premiu Enriqueta González Rubín

Enllaz a la ficha de serviciu del Premiu Pachín de Melás 

Enllaz a la ficha de serviciu del Premiu Nel Amaro

 

llinguastur.general.info-complementaria