Referencia esencial na lliteratura infantil y xuvenil d’Asturies, el premiu María Josefa Canellada convócase dende l’añu 2008. Da-y nome l’autora de la primer novela xuvenil d’esta lliteratura, Montesín, publicada en 1980. María Josefa Canellada (L’Infiestu, 1912 - Madrid, 1995) foi una llingüista reconocida, narradora y estudiosa del folclore asturianu. La Selmana de les Lletres Asturianes del 2002 tuvo dedicada a ella.

El premiu, dotáu con 6.000 euros, otórgase a una obra de lliteratura infantil o xuvenil –con independencia de que seyan noveles, compilaciones de cuentos, poemarios o obres de teatru– escrita en llingua asturiana y con una estensión mínima de doscientos cincuenta versos pa la poesía y de trenta páxines a espaciu doble pa los demás xéneros. La obra ha ser, amás, inédita y non premiada n’otros concursos y ha presentase baxo plica.

Llista de ganadores

2008. Arroz, agua y maíz, Berta Piñán Suárez

2009. Les puertes del paraísu, Ismael González Arias

2010. A pespunte, Montserrat Garnacho

2011. Camín de lletres: d’Asturies a Nueva York, Paquita Suárez Coalla

2012. Carne de melandru, Milio Rodríguez Cueto

2013. Tatuaxes nel corazón, Marisa López Diz

2014. Cápsules de tiempu, Carlos González Espina

2015. Fontenebrosa III: el final, Vicente García Oliva

2016. La mar, Adolfo Camilo Díaz

2017. Vida nel campu, Berta Piñán Suárez

2018. Invisible, Lluis Aique Iglesias Fernández

2019. Ermu.

2020. La curuxa Catuxa, Vero Suari y Inaciu Galán

2021. Boliescritu de primavera, Xilberto Llano. 

2022. El cartafueyu d'Alquimia. Blanca Fernández Quintana