L’únicu premiu que se convoca na actualidá pa cómic n’asturianu empezó l’andadura nel 2009, anque’l Principáu d’Asturies convocó nos años ochenta otru premiu, l’Urriellu, tamién de cómic. Ríndese homenaxe al dibuxante, pintor y comediógrafu asturianu Alfonso Iglesias (Navia, 1910 - Uviéu, 1988), creador d’unos personaxes d’historieta tan populares como Telva, Pinón y Pinín.

El premiu, dotáu con 6.000 euros, otórgase a un cómic escritu en llingua asturiana d’estilu, tratamientu y tema llibres, pudiendo abarcar el desarrollu d’una historia única o un conxuntu d’histories (rellacionaes o non ente elles). Pa participar ha presentase un proyectu inicial, baxo plica, con una estensión mínima de 15 páxines que va haber que completar si resulta ganadora.

 

Llista de ganadores

 

2009. Manzajú, Ruma Barbero

2010. Ermu.

2011. Doña Berta, Isaac Rivero de la Llana

2012. Homes, Javier Antonio Marinas

2013. Cuadernos d’Ítaca, Alfonso Zapico

2014. L’arume de la tierra, Enrique Carballeira

2015. El viaxe a la lluz, Ruma Barbero

2016. Indianu, Luis Navazo

2017. Los llazos coloraos, Alberto Vázquez García

2018. Cacique blancu, Anxelu González Fernández

2019. Seltegu, Ruma Barbero

2020. El sol na escombrera, Alberto Vázquez García

2021. Paez que nun foi ayeri. Ángel de la Calle

2022. Ana María. La llobera d'Asturies, Guillermo Menéndez Quirós