El Teatru Nuevu de La Felguera va acoyer el día 20 d’abril la IX Sestaferia Educativa, qu’entama’l CPR Cuenques Mineres y na que van ser ponentes Xurde Fernández Fernández, Pilar Fernández González, Óscar García Guerra, Alba Hernández Boada y Alba Sánchez Batalla.

Hasta’l día 12 d’abril ta abiertu’l plazu d’inscripción d’esta actividá, empobinada preferentemente pa profesoráu de Llingua Asturiana y Lliteratura y de Gallego-asturianu o Eonaviegu nes estayes d’Educación Primaria, Secundaria y Bachilleratu.

Conteníos:

•    L’ABP na enseñanza de llingües.
•    Les evidencies d’impautu social pa la educación n’asturianu.
•    Nuevu diseñu d’espacios educativos.
•    Exemplos práuticos d’actividaes gamificaes y xuegos nel aula de Llingua.

Dípticu de la IX Sestaferia Educativa.

Más información: https://cprcuencasmineras.es/cursos/show/ix-sestaferia-educativa