La Conseyería d'Educación acaba de publicar una guía informativa bien completa, cola idea d'ayudar a los y les aspirantes a sacar los certificaos B2 y C1 de competencia en comunicación en llingua asturiana. Esta guía, disponible en castellán y n'asturianu, inclúi información práctica sobre les pruebes (fecha y llugar de realización, duración, etc.) mesmo que sobre lo que se pide y se valora en caúna de les partes, y tamién sobre los temes de los que puen tratar los exercicios.
Igualmente, les persones aspirantes tienen accesu nesta web a los exercicios que formaron parte de la prueba del nivel B2 celebrada l'añu pasáu y tamién a les rúbriques que s'emplegaron pa calificar los exercicios de producción.

Accesu a la información mentada nesti enllaz: https://www.educastur.es/-/prueba-de-certificacion-de-lengua-asturiana-b2-c1-2021-guia-informativa-para-aspirantes